Читать онлайн книгу "Пухпря левкстнэнень. Эрямодо, питнейчитнеде, конат эйсэнзэ улить. Ды, нама, Вармадо!"
Пухпря левкстнэнень. Эрямодо, питнейчитнеде, конат эйсэнзэ улить. Ды, нама, Вармадо!
Дика Кара
Тынк икеле паро, оймень токиця ёвтамо – тетянь-авань вечкема вийде, тиринь кудонь лембеде, кудораськень питнейчитнеде ды аволь шожда кочкамодо. Сеть седейшкавань ёжотнеде, конатнень содасызь весе. Превей ёвтамо алкуксонь эрямодо ды Уцяскань Вармадо.
Пухпря левкстнэнень
Эрямодо, питнейчитнеде, конат эйсэнзэ улить. Ды, нама, Вармадо!
Дика Кара
Алтави покштян-бабан туртов:
Бектяшкинтнэнень, Калинкинтнэнень,
Кузнецовтнэнень ды Шикаевтненень
эрзянь кельс ютавтыцясь Татьяна Швецова
(Переводчик на эрзянский язык Татьяна Швецова)
Переводчик Татьяна Швецова
© Дика Кара, 2021
© Татьяна Швецова, перевод, 2021
ISBN 978-5-0051-1701-4
Создано в интеллектуальной издательской системе Ridero
Сундерьгалесь.
Чинь псинть полавтомо апак фатя сась чокшнень экшесь. Весе эриесь окойники шождасто лекстясь.
Тикшетне ды ракшатне анокстасть мадеме. Эрьва ков эциця маравтнэ сыргасть ушова ливтнеме. Те шкане сыре пухпрясь[1 - Пухпря – одуванчик] пурнась-тейсь удомадо икеле кортнеме пухприне нуцькинензэ марто.
– Кезэрень пухпрятне ёвтнесть, келя, эрямонь сехте покш питнейчитне – те эсеть кочкамось ды Варманть эрявикс ёнксов пувамозо. Мон жо тенк мерян, те ансяк валт. Сехте покш питнейчись – те вакссот касыця тетянь-авань лопинесь!
Пухпринетне абунгадозь варштасть вейке-вейкень лангс.
– Покштяй, мекс тетянь-авань лопась – те питнейчи? – кевкстясь пухпринесь.
– Истяк. Сы шка – тынсь весементь чарькодьсынк! – музгордсь атясь.
«Н-да, шкадо икеле те, зярс эзть касо», – арсезевсь сыре пухпрясь ды марямга мерсь:
– Мадеде. Шказо талай.
Покштянь валтнэ эзть лисне пухприненть прясто, ды сон кодаяк эзь матедеве:
– Покштяй, ёвтник, эрь, ёвтник, мезде тон кортыть. Кода тень чарькодемс? Явик мартон эрямонь превейчить!
– Превейчинть… эли чаволачинть – сельмень апак панжо ачарькодевиксстэ пшкадсь каршонзо атясь.
– Ёвтнесак? – эзь пота нуцькинесь.
– Мезе эно, кунсолок, – атясь автсь курго ды ушодсь апак капша ёвтнеме.
Мазый пандочиресэ эрясть пухпрят. Чевте седейнетнень кольневтсь ванькс коштось ды Чинть авань певтеме вечкемась.
Эштё чадыковсто, зярдо солась ловось, пухпринетне вейсэ лиссть чинть каршо ды ней мельспаросо эрясть. Вечкевсть ракшанень, нармуннень, эрьва ютыцянень.
Сынь венстявсть Чипаентень, казсть масторлангонтень сыреждиця мизолксост ды седешкава кецнесть эрьва чинтень.
Эрьва валске Чипаенть васенце налонзо марто вейке омбоце мельга сырголесть пухпринетне, тантейстэ венстнесть рунгост ды путнесть прязост валдо ожо шапкинест. Чивалгомане, матевемадо икеле, сынь арсесть весе касыцятненень, ёзмолдыцятненень, чийницятненень, якицятненень ды ливтницятненень сэтьме лембе ве ды тантей онт. Истя мельга-мельцек ютнесть читне.
Чадыковонь экшеденть мейле сась панжиковонь лембе. Пухпринетне теевсть покш пухпря цёракс ды пухпря тейтерекс: ветясть покшонь кортамот, тейнесть кудораськеть ды уш тия-тува арсесть эйдеде. Эзь кенере эсь прядонзо яволявтомо аштемковонь псись, кона теинзе пухпрятнень тетякс-авакс, кода сась медьковось пултыця псинзэ марто.
Конец ознакомительного фрагмента. Получить полную версию книги.
Текст предоставлен ООО «ЛитРес».
Прочитайте эту книгу целиком, купив полную легальную версию (https://www.litres.ru/dika-kara/puhprya-levkstnenen-eryamodo-pitneychitnede-konat-eysenze-ulit-d/) на ЛитРес.
Безопасно оплатить книгу можно банковской картой Visa, MasterCard, Maestro, со счета мобильного телефона, с платежного терминала, в салоне МТС или Связной, через PayPal, WebMoney, Яндекс.Деньги, QIWI Кошелек, бонусными картами или другим удобным Вам способом.
notes
Примечания
1
Пухпря – одуванчик
Если текст книги отсутствует, перейдите по ссылке
Возможные причины отсутствия книги:
1. Книга снята с продаж по просьбе правообладателя
2. Книга ещё не поступила в продажу и пока недоступна для чтения